Papier en Wolof – NJÀNGALEM CEEBU JËN ak Baay Mustafaa Keita (Bàmbara Bu Dégg Wolof)

Nit ñi, dañoo mel ni ñam yi ak lujum yi, fàww ci bool bi, am ci ñam walla lujum bu la ci neexul, waaye di nga fexe yaw ba jariñoo ya nga jàpp ni moo gën ci yaw, te doo laal ya nga ca bëggul, te ya nga ca bañ, du la yàqal dara ca ñam wa, bam tee laa jëfandiku.

Nii la nit ñi mel, ku nekk, fexeel a ànd ak moom ca jikko yam rafetle, te wóoy fa yam ñaawle, niki nga wóoye li nga bëggul ci ñam wi te terewu laa lekk.

Nit ku ne, am na lees di jàpp ci yaw, ak lees di bàyyi ci yaw.
Kon bul laaj mukk lu tax diw la ko waroon ci man defu ko, waaye laajal sa bopp lan moo tax lima war ci diw man defuma ko.

Ginnaaw nag kenn ku nekk gendiku nga ni am na sikk sula neexul ci sa jëmm ji, kon jarul kenn di mere kenn ci ay sikkam.

Mere sa bopp dong a jaadu, te maslaa ak ña des.